Ümumi Müddəalar

• Ofis meneceri direktorun əmri ilə tutduğu vəzifəyə təyin olunur və işdən azad edilir.
• Ofis meneceri vəzifəsinə ali təhsili olan və müvafiq iş üzrə 1 ildən az olmayaraq iş stajı olan şəxs təyin oluna bilər.
• Ofis meneceri struktur bölgüsünə müvafiq olaraq subordinasiya üzrə digər ali vəzifəli şəxsə tabedir.
• Ofis meneceri aşağıdakıları bilməlidir:
• “İMA-ENERGY” QSC -nin Nizamnaməsi;
• “İMA-ENERGY” QSC -nin Direktorunun əmr və göstərişləri;
• Qanunvericilik üzrə digər biliklər (Azərbaycan Respublikasının Konstitusiyası, məcəllələr, qanunlar, qaydalar və digər normativ-hüquqi aktlar.)
• Kargüzarlığn əsasını;
• Əmək hüququnun əsasları, əməyin mühafizəsi tələbləri və yanğın təhlükəsizliyi qaydaları;
• Daxili nizam intizam qaydaları qaydaları.
• Ofis meneceri öz işində aşağıdakı sənədləri rəhbər tutur:
• Azərbaycan Respublikasının qüvvədə olan əmək qanunvericiliyi;
• Müvafiq şöbənin əsasnaməsi;
• Hazırki vəzifə təlimatı.

Vəzifə borcları

• Ofisə gələn qonaqların qarşılanması və yerləşdirilməsi;
• Rəsmi məktublarrın tərtib edilməsində digər şöbələrlə əlaqəli işin qurulması;
• Görüşlərin və brifinqlərin təşkili, toplantı otaqlarının təşkili;
• Ofisin lazım olan dəftərxana ləvazimatları, materiallar və digər inventarlarla təmin edilməsi, işçilər arasında bölgüsünün, paylanmasının və sadalanan dəyərlərdən səmərəli istifadəsinin təmin edilməsi;
• Ofis daxilində təmizliyin, səliqə - səhmanın saxlanmasının təmin edilməsi;
• “Daxili İntizam” qaydalarını rəhbər tutaraq ofis daxili qaydalara riayyət edilməsinə nəzarət edilməsi;
• Masaların, stolların və digər ofis daxili əşyalara baxış keçirilməsi, nasazlıqların aradan qaldırılması üçün tədbirlərin görülməsi;
• Qiymətli əşyaların qorunub saxlanmasının təmin edilməsi;
• Ofis xərclərinə nəzarət edilməsi;
• Zənglərin qəbulu və aidiyyatı şöbələr və şəxslər üzrə yönləndirilməsi;
• Sənədlərin şöbələr üzrə paylanmasının, göndərilən sənədlərin vaxtında ünvana çatdırılmasının təmin edilməsi;
• Ofis avadanlıqlarının invetarizasiyası;
• Sənədlərin qeydiyyatı, arxivləşdirilməsi, qovluqların standartlara uyğun tərtib edilməsi;
• Direktora imza üçün təqdim olunan  məktubların, sənədlərin baxış üçün qəbul edilməsi, lazım gəldikdə düzəlişlərin aparılmasının tələb edilməsi;
• Direktor və Müşahidə Şurasının işi üçün zəruri sənədlərin hazırlannması;
• Direktorun  telefon danışıqlarının təşkil edilməsi, onun olmadığı müddətdə alınan məlumatların qeyd edilməsi və məlumatların onun diqqətinə çatdırılması, qəbuledici və ünsiyyət qurğularında  məlumatların, həmçinin telefon mesajlarının ötürülməsi;  
• Direktorun göstərişi ilə məktubların tərtib edilməsi, sorğuların hazırlanması və. s digər sənədlərin hazırlanması;
• Direktor tərəfindən keçirilən iclasların və iclasların hazırlanması işlərinin aparılması (zəruri materialları toplanması, iclasın vaxtı və yeri, gündəliyi, qeydiyyatı barədə iştirakçılara məlumat verilməsi, iclas və iclas protokollarının tərtib edilməsi);
• Gündəlik elektron məktubların qəbulu, cavablandırılması, aidiyyatı şəxslərə yönləndirilməsi;
• Ofisin iş günün sonunda yoxlanılması, ofis texnikalarının bağlanılması, yeni iş gününə ofisin hazır vəziyyətə gətirilməsinin təmin edilməsi;
• Rəhbərliyin verdiyi digər tapşırıqların yerinə yetirilməsi.

Hüquqları

• Normal iş şəraiti ilə təmin edilməsi;
• İşin təkmilləşdirilməsi üzrə rəhbərliyə mövcud vəzifə təlimatının borcları ilə nəzərdə tutulmuş təkliflərin təqdim edilməsi;
• Səlahiyyəti çərçivəsində bilavasitə rəhbərinə vəzifə borclarının yerinə yetirilməsi prosesi zamanı aşkarlanmış bütün çatışmazlıqlar haqqında məlumat verilməsi və onların aradan qaldırılmasına görə təkliflərin təqdim edilməsi;
• Direktorun tapşırığının yerinə yetirilməsi üçün təşkilatın bölmələrindən və digər mütəxəssislərdən zəruri olan məlumatın və sənədin şəxsən və ya direktorun tapşırığına əsasən tələb edilməsi;
• Rəhbərlikdən vəzifə borcları və hüququnun yerinə yetirilməsində köməkliyin göstərilməsinin tələb edilməsi.

Məsuliyyəti

• Qüvvədə olan Azərbaycan Respublikasının əmək qanunvericiliyi tərəfindən müəyyən edilmiş qaydada, bu vəzifə təlimatı ilə nəzərdə tutulmuş, vəzifələrin icra edilməməsi və ya lazımi səviyyədə icra edilməməsi;
• Qüvvədə olan Azərbaycan Respublikasının inzibati, cinayət və mülki qanunvericiliyi tərəfindən müəyyən edilmiş qaydada - fəaliyyətinin həyata keçirilməsi prosesi zamanı yol verilmiş qanun pozuntuları;
• Qüvvədə olan Azərbaycan Respublikasının əmək və mülki qanunvericiliyi tərəfindən müəyyən edilmiş qaydada - maddi ziyanın vurulması;
• Müəssisənin mənafeyinin qorunmaması, məxfi məlumatın və sənədlərin üçüncü şəxslərə verilməsi;
• İmzaladığı sənədlərə şəxsən və şərtsiz məsuliyyət daşıması.

• Əmək haqqı: 600 AZN NET
• Ünvan: Yeni Yasamal, Royal Park yaşayış kompleksi
•  Nahar vaxtı: 13:00-14:00
• İş rejimi: 6 günlük

Maraqlanan namizədlər cv-lərini Müraciət Et butonunda qeyd olunan elektron poçt ünvanına göndərə bilərlər.