Baş mühasib

HİMALAY GROUP logistika və texnika xidmətləri istiqamətində mühasibat uçotunun təşkili və maliyyə hesabatlarının hazırlanmasına rəhbərlik edəcək təcrübəli Baş mühasib axtarır.

• Mühasibat uçotunu qanunvericiliyə uyğun təşkil etmək, maliyyə əməliyyatlarının düzgün və vaxtında uçota alınmasını təmin etmək;
• Əməkhaqqı və digər ödənişlərin hesablanmasına nəzarət etmək;
• Debitor və kreditor borclarının uçotunu və üzləşmələrini aparmaq, borcların yaşlandırılması üzrə hesabatları təhlil etmək;
• ƏDV, mənfəət vergisi, ÖMV, DSMF və digər məcburi hesabatları düzgün və vaxtında hazırlayıb təqdim etmək;
• Vergi orqanları ilə yazışmaları aparmaq, uyğunsuzluqlarla bağlı sorğuları araşdırmaq və cavablandırmaq;
• Rəhbərliyə aylıq mənfəət və zərər, maliyyə vəziyyəti hesabatlarını, həmçinin həftəlik pul vəsaitlərinin hərəkəti barədə məlumatı təqdim etmək;
• Gəlirlərin, o cümlədən Forma 2 ilə təsdiqlənən iş və xidmətlər üzrə gəlirlərin düzgün dövrdə tanınmasına nəzarət etmək;
• Texnikalar üzrə xərclərin düzgün bölüşdürülməsini və uçotda əks etdirilməsini təmin etmək;
• Ana şirkət, qrupdaxili şirkətlər və kənar tərəflərlə qarşılıqlı hesablaşmalara nəzarət etmək;
• Xərclərin optimallaşdırılması və maliyyə risklərinin qiymətləndirilməsi üzrə təhlillər aparmaq, rəhbərliyə təkliflər vermək.

• Aparıcı mühasib və ya baş mühasib vəzifəsində minimum 3 il iş təcrübəsi;
• Logistika və texnika xidmətləri sahəsində mühasibatlıq təcrübəsi;
• Peşəkar Mühasib Sertifikatı (PMS);
• Vergi uçotu, audit və maliyyə riskləri üzrə biliklər;
• Excel üzrə yüksək səviyyədə bilik və 1C 8.3 proqramında işləmək bacarığı;
• Analitik düşüncə, detallara diqqət və yüksək məsuliyyət;
• Rus dili biliyi və data analitikası üzrə biliklər üstünlükdür.

İş şərtləri

• 2 000 AZN-dən başlayan əməkhaqqı;
• Şirkətə məxsus ERP proqramında işləmək üçün təlim.