Ölkənin ən qabaqcıl pərakəndə satış şəbəkələrinin birində təcrübə qazanmaq istəyirsən və haradan başlamalı olduğunu bilmirsən? Elə isə "Kontakt"ın "Təcrübə Proqramı"na müraciət et.

Motivasiyalı, əla ünsiyyət qabiliyyətli, 4-cü kurs və magistr tələbələrini, 2024-2025-ci illərin məzunlarını, təcrübə proqramına qatılmağa dəvət edirik! Təcrübə proqramının bütün seçim mərhələlərindən uğurla keçmiş namizədlər Azərbaycan Respublikası əmək qanunvericiliyinə əsasən sənədləşdiriləcək və orientasiya proqramına cəlb olunacaqlar. Proqrama seçilən təcrübəçilər "Kontakt"ın müxtləlif strukturlarında sağlam və pozitiv korporativ mühitdə, qarşılıqlı etibar, güclü və zəngin iş təcrübəsi qazanacaq. Təcrübə müddətində xüsusilə fərqlənən şəxslər gələcəkdə açılacaq vakansiyalar üçün potensial namizəd kimi dəyərləndirilə bilərlər. Təcrübə proqramı ödənişli əsaslarda iki ay müddətində davam edəcəkdir.

Komanda üzvlərimiz arasından mükəmməlliyi və parlaqlığı seçərək kayera yüksəlişini təmin etməyimiz daim qürurlandığımız cəhətimizdir. Böyük komandamıza qoşulmaq istəyənlər üçün bu bir fürsətdir!

Təcrübə proqramı hansı sahələri əhatə edir?

• İnsan Resursları (İşə qəbul / Əmək münasibətləri);
• Marketinq (Sosial media / Makretinq kommunikasiyaları / Dizayn);
• İnformasiya və Kommunikasiya texnologiyaları (Texniki dəstək / Şəbəkə / Sistem);
• Hüquq;
• Maliyyə;
• Elektron kommersiya;
• Pərakəndə satış;
• Əlavə pərakəndə satış xidmətləri.

Təcrübə proqramı sizə nə qazandıracaq?

• Real iş mühiti ilə tanışlıq;
• Təhsil müddətində öyrəndiklərinizi tətbiq etmə imkanı;
• Öz sahəsində peşakar şəxslərin təcrübələri ilə tanış olmaq imkanı;
• Təcrübə proqramında iştiraka dair Sertifikat.

Tələblər:

• 4-cü kurs tələbələri;
• Magistr tələbələri;
• 2024-2025-ci illərin məzunları.

Qeyd olunan tələblərə uyğun namizədlər Müraciət Et düyməsində qeyd olunan link-ə daxil olaraq vakansiyaya müraciət edə bilərlər.